د عوایدو لوی ریاست او یو شمېر بانکونو ترمنځ هوکړهلیک لاسلیک شو
د تلې۹مه ۱۴۰۵هـ.ل
په برېښنايي بڼه د عوایدو د راټولولو او انتقال، لا شفافیت، چټکتیا، دقت، حسابورکونې او د عوایدو د بانکي راټولونې نظام د پیاوړتیا او معیاري کولو په موخه د مالیې وزارت د عوایدو لوی ریاست او یو شمېر بانکونو او مالي بنسټونو ترمنځ د همکارۍ هوکړې وشوې.
د دغو هوکړه لیکونو له مخې، د عوایدو لوی ریاست د (۹) وزارتونو او امارتي ادارو د عوایدو د برېښنایي کولو په برخه کې له عزیزي بانک، د افغانستان اسلامي بانک، حساب پې او اورم پې مالي مؤسسو سره هوکړې کړې دي.
د یادو هوکړو پر بنسټ به اړوند بانکونه او مالي بنسټونه د افغانستان اسلامي امارت د عالیقدر امیرالمؤمنین (حفظهالله تعالی) د (۱۲۸/۳۳۵ ګڼې، د ۱۶/۱/۱۴۴۸) هـ.ق نېټې حکم او د لاسلیک شویو هوکړه لیکونو له مفادو سره سم، د یادو وزارتونو او امارتي ادارو عواید په برېښنایي ډول راټولوي او راټول شوي عواید به په عین وخت کې د خزاینو واحد حساب ته انتقالوي.
د یادونې وړ ده، چې د عوایدو د راټولولو په بهیر کې د برېښنایي نظام (سیسټم) پلي کېدل به د عوایدو د راکړې ورکړې پروسه معیاري او د عوایدو د ثبت، راټولولو او انتقال په برخو کې به د دقت او حساب ورکونې کچه لوړه کړي.
