د ولایتي ګمرکونو له مسئولینو سره مشورتي ناسته وسوه!
د زمري۶مه ۱۴۰۴هـ.ل
د مالیې وزارت د ګمرکونو او عوایدو معین الحاج مفتي عبدالمتین سعید په مشرۍ د ولایتي ګمرکونو له مسئولینو سره د ګمرکي چارو د لا ښه والي په موخه مشورتي ناسته د یاد معینیت د غونډو په تالار کي وسوه.
په دې ناسته کي د ګمرکونو لوی رئیس الحاج مولوي محمد حامد احمد، د ګمرکونو لوی ریاست مرستیالانو، رئیسانو او د ولایتي ګمرکونو مسئولینو ګډون کړی وو.
په پیل کي د ګمرکونو او عوایدو معین په صادقانه ډول د چارو د تر سره کولو او د خپلمنځي همغږۍ په را منځته کېدو د ولایتي ګمرکونو له مسئولینو مننه وکړه. نوموړي د چارو د ښه والي په موخه د مسئولینو ترمنځ د مشورو، د سوداګرو او کارکوونکو د ستونزو اورېدو او پر خپل وخت سره د دوی ستونزو ته د رسېدني، په جدیت سره د احکامو او فرامینو د پلي کېدو، د ملي عوایدو له ضایع کېدو څخه د مخنیوي او د خپلو کارکوونکو له چارو څخه د څارني په برخو کي د ولایتي ګمرکونو مسئولینو ته سپارښتني وکړې.
ور پسې د تېر کال د مشورتي ناستي موضوعات و ارزول سول او همدارنګه د سوداګریزو توکو د چټکو طی مراحلو له پاره له اړوندو ادارو سره د لازمي همغږۍ په رامنځته کولو، په ګمرکونو کي سوداګرو ته د لازمو اسانتیاوو برابرولو، په هیواد کي د سوداګرۍ پر لا ودي، د هیواد په ګمرکونو کي د پراختیایي پروژو پر پلي کېدو، له ګمرکي سرغړونو څخه پر مخنیوي، د کارکوونکو د وړتیا پر لوړولو او یو شمېرو نورو اړوندو موضوعاتو بحث او سلا مشورې وسوې او په تړاو ئې لازمي پرېکړي وسوې.
د یادولو وړ ده، چي په دې ناسته کي د ولایتي ګمرکونو ستونزي هم واورېدل سوې، چي د ګمرکونو لوی ریاست د رهبرۍ له لوري د ژر حلولو ډاډ ورکړ سو.
