د اسلام قلعه سرحدي ګمرک و کارکوونکو ته د ګمرکي مسایلو په اړه روزنیز ورکشاپ پیل سو
اسلام قلعه سرحدي ګمرک و کارکوونکو ته د ګمرکي مسایلو په اړه د ظرفیت لوړوني ورکشاپ پیل سو. د ګمرکونو او عوایدو ملي اکاډمۍ د تدریسي پلان له مخي د اسلام قلعه سرحدي ګمرک یو شمېر نویو په دنده ګمارل سویو کارکوونکو ته ۱۵ورځنی د ظرفیت لوړوني ورکشاپ په یاد ګمرک کي پیل سو. په دې روزنیز ورکشاپ کي به یادو کارکوونکو ته د ګمرکونو قانون په عمومي احکامو، تعرفې، قیمت ګذارۍ، ترانزیټ، ګمرکي ارزښت ټاکني، ګمرکي سرغړونو، د تلاښۍ او پلټني مهارتونو په اړه عملي او نظري روزنه ورکړل سي.د یادوني وړ ده چي د ګمرکونو او عوایدو ملي اکاډمۍ ښوونکي به په نورو ګمرکونو کي هم د کارکونکو د وړتیا لوړولو په موخه ورته ورکشاپونه جوړ کړي.
