د مالیې وزارت د پالیسۍ معین د جاپان له سفیر سره وکتل!
د غویي ۱۳مه ۱۴۰۴هـ.ل
د مالیې وزارت د پالیسۍ معین انجنیر سلطان محمد زبیر د جاپان هیواد له سفیر ډاکټر تاکایوشي کورومییا او د افغانستان له پاره د اسیایي پراختیایي بانک (ADB) له مشر ډیويډ جې هېل سره د دغه وزارت د پالیسۍ په معینیت کي وکتل.
د دغي ليدني په لړ کي د مالیې وزارت د پالیسۍ معین د جاپان سفارت او د اسیایي پراختیایي بانک له ګټورو او اغېزمنو فعالیتونو څخه قدرداني او مننه وکړه او په اړوندو برخو کي ئې د لا همکارۍ ډاډ ورکړ.
بل لوري ته د جاپان سفیر او د اسیایي پراختیایي بانک مشر په افغانستان کي د خپلو فعالیتونو د لا پراختیا د ژمني ترڅنګ د مالیې وزارت له هر اړخیزو همکاریو څخه هم مننه وکړه.
