د مرکز او ولایتونو د دولتي پوهنتونونو مسؤلینو ته په تدارکاتي او مالي برخو کي روزنیز سیمینار وړاندي سو
د مالیې وزارت د خزاینو لوي ریاست اړوند د محاسباتو رئیس محب الله صاحبزاده او ددې ریاست تخنیکي ټیم، د لوړو زده کړو وزارت له لوري د ټولو امارتي پوهنتونو مسؤلینو ته د مالي چارو په تړاو جوړ سوي روزنیز سیمینار کي ګډون وکړ او د مهمو مالي مسائلو په اړه ئې معلومات ورکړل.
په دغه سیمنار کي د پوهنتونونو، رئیسانو، مرستیالانو او د مالي برخي مسؤلینو ته د ملي بودیجې د اصولنامې، په (۱۴۰۲) مالي کال کي د ملي بودیجې د اجراء، د ملي بودیجې د لګښتونو او سپما او اړوند نورو مالي او تدارکاتي برخو کي اړین معلومات وړاندي سول.
ددې سیمینار په پای کي د یو شمېر ګډونوالو پوښتنو ته هر اړخیز ځوابونه هم ورکول سول.
