د افغانستان او ازبکستان د سوداګریزو اړیکو د نوي فصل پیل
د افغانستان او ازبکستان ترمنځ د سوداګریزو اړیکو نوی فصل په لومړي ځل د بلخ ولایت حیرتان بندر له لارې هغه هیواد ته د افغانستان له لوري د سوداګریزو توکو ډکو موټرونو په ور اوښتو پیل شو.
په دې مراسمو کې د بلخ ولایت د صنعت او سوداګرۍ سلاکار شیر احمد سپاهي زاده، په بلخ ولایت کې د ازبکستان اسلامي جمهوریت سرقنسل جعفر فتایوف او یو شمېر کارکوونکو او سوداګرو ګډون کړی وو.د بلخ ولایت د صنعت او سوداګرۍ سلاکار شیر احمد سپاهي زاده، د دواړو هیوادونو ترمنځ د سوداګریزو اړیکو نوی پیل یو مهم امر او اغېزمن وباله او د سوداګریزو توکو د لېږد را لېږد لپاره د لا اسانتیاوو په رامنځته کولو او پراختیا یې ټینګار وکړ. همدا شان هغه یادونه وکړه، چې نن ورځ د افغانستان له لوري ازبکستان هیواد ته څلور سوداګریزې محمولې ولېږل شوې او دا د یوه تاریخي ګام اخیستو څرګندوونکي ده، ځکه له کومې ورځې چې دغه پل د امو سیند پر سر جوړ شوی د افغانستان له لارې هیڅ ډول سوداګریزه محموله نه ده پرې اوښتې..
ورپسې جعفر فتایوف، د دوه اړخیزه اړیکو په ټینګېدو ټینګار وکړ او دغه کار یې د افغانستان اسلامي امارت او ازبکستان اسلامي جمهوریت ترمنځ د سوداګریزو اړیکو د پیاوړي کولو ښه پیل وباله او د دواړو هیوادونو ترمنځ یې د سوداګریزو توکو د لېږد په اسانولو کې ژمنه وکړه
د یادونې وړده، چې د دواړو هیوادونو ترمنځ د دوه اړخیزه اړیکو پر بنسټ ځمکنی ټکس (خاک پولی) یې له ۴۵۰ ډالرو څخه ۵۰ ډالرو ته ښکته کړ.
