ښاغلي عبدالهادي ارغندیوال د ولسي جرګې له لوري د مالیې وزیر په توګه د باور رایه واخیسته
ښاغلي عبدلهادي ارغندیوال نن د لیندۍ میاشتې په لومړۍ نېټه د مالیې وزیر په توګه د باور رایه واخیسته.
د ولسي جرګې د نن ورځې په رایه اچونه کې ۲۴۶ رایې استعمال شوی چې له دې جملې څخه ښاغلي ارغندیوال وکولی شول (۲۰۵) د باور رایې واخلي.
ښاغلی ارغندیوال په ولسي جرګه کې د خلکو استازو له باور څخه مننه کوي او له دوی څخه غواړي چې د چارو د لا ښه والي او د مالي ثبات او ځان بسیاینې ته د افغانستان د رسیدو لپاره خپلو همکاریو او همغږۍ ته دوام ورکړي.
