مشرانو جرګې د مالیې وزارت د بشري سرچینو رئیس له فعالیتونو او کړنو څخه ستاینه وکړه
مشرانو جرګې نن د لړم میاشتې په ۱۸ مه نېټه د مالیې وزارت د بشري سرچینو رئیس ښاغلي محمد غلام ملاخیل له فعالیتونو او کړنو څخه ستاینه وکړه.
دا ستاینلیک ښاغلي ملاخیل ته په اړوندو چارو او په ورسپارل شویو مسؤلیتونو کې د نوموړي غوره فعالیتونو، کړنو او لاسته راوړنو لپاره ورکړل شو.
په دې وروستیو کې مالیې وزارت د اصلاحاتو پلي کیدو او د صادقو او وړو کسانو د ګمارنې په موخه د مالیې وزارت ورودي کچې ۲۲۰ بستونه اعلان کړل چې له دې لارې صادق او وړ کسان وګمارل شول.
د دې تر څنګ د لومړي ځل لپاره د ګمرکونو ۹ عالیرتبه بستونه او د مالیې وزارت ۷۷ درېیم او څلورم بستونه ازادې سیالۍ ته لاړل چې د شارټ لست پروسه یې بشپړه او ژر به یې ازموینه واخیستل شي.
