د مستوفیتونو دولتي املاکو مدیرانو ته روزنیز پروګرام پیل سو
د مالیې وزارت د بشري سرچینو ریاست له لوري او د دولتي املاکو لوی ریاست په همکارۍ د دولتي املاکو د حفظ او مراقبت مدیرانو، د مازادو دولتي املاکو مدیرانو او د دولتي املاکو د تصفیې د ثبت مدیرانو ته انلاین روزنیز پروګرام د دغه وزارت په خیبرهال کي پیل سو.
په دغه پروګرام کي د بشري سرچینو رئيس مولوي احمد شاه شاکر، د ظرفيت لوړوني آمر محمد انس مجاهد او د یاد رياست يو شمېر کارکوونکو ګډون کړى و.
د دغه پروګرام په پرانیستنه کي مولوي احمدشاه شاکر د غونډي ګډونوالو ته وویل: مجازي روزنیز پروګرام نمایشي کار نه دئ، په حقیقت کي د کارکوونکو د ظرفیت لوړوني په موخه په لاره اچول سوی دئ؛ نو له دې پروګرامونو څخه اعظمي ګټه پورته کړئ، خپله مسلکي وړتیا او ظرفیت لوړ او دولتي املاک لا منظم او منسجم کړئ.
د بشري سرچینو د ظرفیت لوړوني آمر، محمد انس مجاهد د دعایې په ویلو سره دغه پروګرام پای ته ورساوه.
د یادوني وړ ده، چي دغه پروګرام به درې ورځي دوام وکړي او د ابتدايي چارو، د امارتي املاکو د ثبت، ساتني، پالني او نورو اړوندو موضوعات په اړه به تدریس پکښي وسي.
