د روان مالي کال د چنګاښ په میاشت کي د ګمرکي چارو تخنیکي ارزونه وسوه!
د زمري ۲۵مه ۱۴۰۴هـ.ل
د مالیې وزارت د ګمرکونو لوی رئیس الحاج مولوي محمد حامد احمد په مشرۍ د روان (۱۴۰۴هـ.ل) مالي کال د چنګاښ په میاشت کي په ګمرکونو کي د ترسره سويو چارو د تخنیکي ارزوني ناسته پر لیکه او حضوري بڼه وسوه.
په پیل کي د ګمرکونو لوی رئیس د قاچاقو د مخنیوي، پر خپل وخت سره د باقیاتو د تصفیې، د سوداګرو ستونزو ته د رسېدو او یو شمېر نورو موضوعاتو په اړه د ولایتي ګمرکونو مسؤلینو ته اړیني سپارښتني وکړې.
ورپسې د روان مالي کال د چنګاښ په میاشت کي په ګمرکونو کي د تر سره سويو فعالیتونو ټولیز راپور وړاندي سو. په یاده موده کي د عوایدو د راټولېدو، د هیواد په ګمرکونو کي د ترسره سوي سوداګرۍ، د وارداتي توکو د ګمرکي ارزښت او د سوداګریزو محمولو د شمېر او ثبت سوي وزن په اړه بشپړ معلومات وړاندي سول، چي له مخي ئې د پروسږ کال همدې مودې په پرتله، د ګمرکونو چاري (۲،۴) سلنه مثبتي وښودل سوې.
همدا رنګه د چارو د لا پرمختګ په موخه د ولایتي ګمرکونو د مسئولینو ستونزي او وړاندیزونه واورېدل سول، چي د رهبرۍ له لوري د ستونزو د حل ډاډ ورکړل سو.
