د اداري معینیت د ریاستونو تر منځ د مؤثریت، ښه والي او همغږۍ په موخه نوبتي ناسته وسوه!
د مالیې وزارت د اداري معین مولوي دوست محمد مخلص په مشرۍ د اداري معینیت د ریاستونو ترمنځ د مؤثریت، ښه والي او همغږۍ رامنځته کولو په موخه د رهبرۍ پلاوي ناسته وسوه، چي یو شمېر رئیسانو ګډون پکښې کړی وو.
لومړی د تېري ناستي لنډ راپور وړاندي سو، ورپسې پر ټاکلي وخت د اجراآتو د راپور وړاندي کولو، په هره میاشت کي د رهبرۍ پلاوي د ناستي ترسره کولو، د دولتي املاکو له پاره د یوه سیسټم جوړولو او د مالیې وزارت له نورو سیسټمونو سره ئې په نښلولو، د اوبو د ټانکرونو نصبولو، د تدارکاتي پروسو ښه کولو، د نساجي فابریکې د قرارداد تمدید او د دغي فابریکې د ستونزو د دایمي حل لارو په موخه د طرحي جوړولو، د مراجعینو د غوره اړیکو د تنظیم او کارکوونکو د کاري مودې په موخه د یوه میکانیزم پر جوړولو بحث او اړیني پرېکړي وسوې.
د اداري معینیت ریاستونو ذکر سويو موضوعاتو ته د رسېدو په موخه ډاډ ورکړ او یو ځل بیا ئې له مالیې وزارت سره په خپله همکارۍ، ملاتړ او پر وخت او اغېزمنه توګه د خدمتونو په وړاندي کولو ټینګار وکړ.
