ګمرکونو لوی رئیس د پلټني عالي ادارې د قانون پلي کېدو له مسؤل سره وکتل
د مالیې وزارت د ګمرکونو لوی رئیس مفتي عبدالمتین سعید په خپل کاري دفتر کي د پلټني عالي ادارې د قانون پلي کېدو له مسؤل محمد طارق فاروقي سره وکتل.
په دې کتنه کي چي د ګمرکونو لوی ریاست مرستیالانو او یو شمېر رئیسانو هم ګډون کړی وو، په پیل کي د ګمرکونو لوی رئیس وویل: زموږ هڅه داده ترڅو په ګمرکونو کي کورنیو او بهرنیو سوداګرو ته لا اسانتیاوي برابري کړو او په دې برخه کي د نورو اړوندو ادارو همکاري هم له موږ سره اړینه ده، اوس مهال په ګمرکونو کي فساد صفر سوی او هر څوک چي د ګمرکونو لوی ریاست ته مراجعه کوي پرته له کومو تشریفاتو کولای سي له هر مسؤل سره وګوري او خپله ستونزه ور سره شریکه کړي.
د پلټني عالي ادارې د قانون پلي کېدو مسؤل د ګمرکونو لوی ریاست له صادقانه کړنو څخه مننه وکړه او ډاډ یي ورکړ، چي له نورو ادارو سره ستاسو شته کاري ستونزي به د حل په موخه له خپل مشر تابه سره شریکي کړي.
