د کندوز ولایت د ګمرک او د بلخ مستوفیت کارکوونکو ته روزنیز پروګرامونه پیل سول!
د لړم ۱۷مه ۱۴۰۴هـ.ل
د مالیې وزارت د ګمرکونو او عوایدو ملي اکاډمۍ له تدریسي پلان سره سم د بلخ ولایت د مستوفیت د مالیاتي او غیر مالیاتي عوایدو (۶۳) تنو کارکوونکو له پاره (۲۳) ورځنی روزنیز پروګرام د بلخ ولایت په مستوفیت کي پیل سو.
په دغه روزنیز پروګرام کي به مالیاتي قوانین، اړوند طرزالعملونه او د سيګټاس سیسټم اړین موضوعات د مجربو ښوونکو له لوري په عملي او نظري ډول تدریس سي.
همداارز د یادي اکاډمۍ له تدریسي پلان سره سم، د کندوز ولایت د ګمرک (۳۳) تنو کارکوونکو ته د همدې ولایت په ګمرک کي یو میاشتنی روزنیز پروګرام پیل سو، چي په ترڅ کي به ئې د ګمرکونو قانون او ګمرکي کړنلاري د مجربو ښوونکو له لوري په عملي او نظري ډول تدریس او تشرېح سي.
د یادوني ده، چي د دغه پروګرامونو په ترسره کولو سره به په اړوندو برخو کي د کارکوونکو وړتیاوي لوړي او کاري پروسو کي به د پام وړ روڼتيا او پرمختګونه رامنځته سي.
