ګمرکونو کي په کلکه د قاچاق مخنیوی کېږي
تېره ورځ د ننګرهار ولایت ګمرک ته ورڅېرمه د پلټني او تالاشیو یا چک پوسټونو مدیریت؛ د دې ګمرک د مسؤلینو له لوري ګاونډي هیواد ته په لویو باوړونکو موټرونو کي د ټوپکو پوچکونه (کارتوس) برېښنایي مزي او نوري زړې اوسپني چي په بوجیو کي ځای پر ځای سوي وې او غوښتل یې په ناقانونه او قاچاقي ډول یې ګاونډي هیواد ته ولېږدوي نیولي دي.
د ننګرهار ولایت ګمرک د مسؤلینو په خبره په دې تړاو یې قاچاق وړونکي نیولي دي او له قاچاق سره د مبارزې برخي اړوندو ادارو ته د پوښتنو او ګروېږنو په موخه سپارلي دي.
د یادونې وړده، چي د اسلامي امارت له راتګ وروسته د ننګرهار ولایت په ګمرک کي په ځلونو دا ډول پېښي سوي او مسؤلینو یې ګاونډي هیواد ته د قاچاق او توکو د غیر قانوني اوښتني مخنیوی کړی. د دې ولایت ګمرک او د پلټنې مسؤلین اوس د قاچاق او قاچاق وړونکو پر وړاندي ستر خنډ بلل کېږي او په دې برخه کي د کره پلټني ډاډ ورکوي.
