د مالیې وزیر ننګرهار ولایت ته سفر وکړ!
د مالیې وزیر الحاج ملا محمد ناصر اخوند، د خپلو رسمي ولایتي سفرونو په لړ کي، دا ځل د دغه وزارت د مالي او اداري سلاکار او د عوایدو لوی ریاست د حقوقي خدمتونو او پالیسۍ د رئیس په ملتیا ننګرهار ولایت ته سفر وکړ.
نوموړي، د دغه سفر په لړ کي د ننګرهار ولایت له مستوفیت او هلته د ملي بانک، نوي کابل بانک او پښتني بانک د ولایتي څانګو له چارو څخه د ليدني پرمهال د عوایدو د راټولولو بهیر، په لګښتونو کي د سپما اصل په نظر کي نیول او د بانکي خدمتونو چاري له نږدې وارزولې او د چارو د لا ښه والي په موخه ئې مسئولینو ته لازمي سپارښتني هم وکړې.
د مالیې وزیر او مل پلاوي د ولایتي مسئولینو پرمختګونه وستایل او د هغوی ستونزي ئې هم واورېدې، چي سته ستونزو ته د رسېدو په موخه د اصولي اجراآتو بشپړ ډاډ ورکړل سو.
