د مالیې وزارت سرپرست له ارزونو وروسته د ننګرهار په ګمرک کې پراخ بدلونونه رامنځته شول
د مالیې وزارت د سرپرست محمد خالد پاینده په مشرۍ، د دې وزارت د لوړ پوړو مسؤلینو تللي پلاوي د ننګرهار ګمرک لیدنه وکړه، د تخلفاتو او کاري نیمګړتیاوو له تشخیص وروسته، د ګمرک رئیس استعفا وړاندي کړه او د مسلکي او د صادراتو او وارداتو امریتونو بستونو ته نوي کسان ور معرفي او وګمارل شول.
د یادونې وړده، چې د ننګرهار ګمرک مسؤلینو ته د روان مالي کال وري میاشتې تر۱۵ مې نېټې پوري وخت ورکړی وو، چې له نافذه مقررو په ګټه اخیستنه ټاکل شوی هدف ترلاسه او د سوداګریزو محمولو د پړاوونو په ترسره کولو کې د تخلفاتو مخنیوی وکړي.
د مالیې وزارت تخنیکي ټیم چې اوس مهال د ننګرهار ګمرک په پلټنه بوخت دی او د پلان شوې ارزونې له بشپړېدو وروسته راپور د مالیې وزارت مشرتابه ته په ټاکلي وخت وړاندي او د ټولو تخلفي مواردو او عاملینو پر وړاندي به یې قانوني پرېکړه ونیول شي.
