د عشر او زکات راټولو د څرنګوالي په تړاو څلورمه ناسته ترسره سول
د عشر او زکات راټولو د څرنګوالي په تړاو څلورمه ناسته د مالیې وزارت د عوایدو د عمومي رئیس معراج محمد معراج په مشرۍ د کرني اوبو لګوني او مالدارۍ، امربالمعروف او نهی عن المنکر او د ارشاد حج او اوقاف، وزارتونو او همدارنګه د افغانستان بانک او کابل ښاروالۍ د استازو په ګډون د مالیې وزارت په خیبرهال کي ترسره سول.
په دغه ناسته کي، چي د قران عظیم الشان په مبارکو آیتونو پیل سول، د عشر او زکات د راټولو پر طرحه او میکانیزم هر اړخیز بحث وسوو او پرېکړه وسول چي، اړوندي ادارې دي د عشر او زکات راټولو د څرنګوالي په تړاو خپله وروستۍ طرحه راتلونکې ناسته کي چي د رارواني شنبې په ورځ د مرغومي پر ۲۵مه نېټه ترسره کيږي وړاندي کړي؛ ترڅو د وروستۍ پريکړي او تائید لپاره امیر المومنین ته وړاندي سي.
د یادوني وړ ده، چي دغه ناسته د ا.ا.ا کابینې د ۱۴۰۰ کال لړم میاشتي د۱۰مي، د ۸ مي مصوبې، ۴مي مادې د تحقق په موخه ترسره سول.
