د صنعت د ملاتړ او پراختیا په موخه د ګمرکونو لوی ریاست خبرتیا!
د ګمرکونو لوی ریاست په وړاندیز، د تعرفې کمېټې د پرېکړي او د مالیې وزارت د رهبرۍ د منظورۍ پر بنسټ په هیواد کي د صنعت د ملاتړ او پراختیا، صنعتکاراتو ته د اسانتیا رامنځته کولو او د ګمرکي پړاوونو د ساده کولو په موخه د حمایوي تعرفې په برخه کي لاندي پرېکړي وسوې:
۱- پخوا د صنعتي فابریکو د واردوونکو خامو توکو نوعیت ته په کتو د (۱٪) څخه (۲،۵٪) پوري ګمرکي تعرفه اخیستل کېده؛ د نوي پرېکړي له مخي به له دې وروسته د صنعتي فابریکو اړوند ټولو او هر نوعه خامو واردوونکو توکو څخه یوازي (۱٪) ګمرکي تعرفه اخیستل کېږي.
۲- د صنعتي فابریکو د حمایوي تعرفې زماني معیاد، چي پخوا یوه ربع (درې میاشتي) او یا هم دوه ربعي وو یو کال ته زیات سو.
۳- د افغانستان اسلامي امارت له بیا واکمنېدو څخه پیل بیا تر اوسه پوري د صنعتي فابریکو د حمایوي تعرفې په برخه کي ټولي پخوانۍ ګمرکي باقیدارۍ معاف سوې.
