د سویل لویدیځ زون د خوراکي توکو له سوداگرو سره ناسته وسوه
د گمرکونو او عوایدو په چارو کي د مالیې وزارت مقام سلاکار اسدالله ساجد(خبیب) او د گمرکونو لوی ریاست د عملیاتي چارو مرستیال ښاغلي محمد عمر مومند نن د عوایدو او گمرکونو معینیت د غونډو په تالار کي د سویل لودیز زون د خوراکي توکو له يو شمېر سوداگرو سره وکتل.
په دې کتنه کي دواړو لوريو د سوداگرو پر وړاندي په شته ستونزو او حل لارو، په بازارونو کي د خوراکي توکو د نرخونو را کمولو په موخه د ځينو توکو د قيمت په راکمولو او يو شمير نورو اړوندو مسايلو په اړه بحث او خبرې وکړې.
په پای کي پریکړه وسوه چې د گمرکونو لوی ریاست تخنیکي ټیم به له دې وروسته په دوامداره توگه د توکو قیمتونه به بازار کي گوري او د هغه مطابق به یې د قیمت گذارۍ په ډیټابیس کي ثبتوي.
