د دولتي شرکتونو د څار پلاوي ګمارنې کمېټې ناسته وشوه
د مالیې وزارت مالي او اداري عمومي رئیس سید احسان الدین طاهري، په مشرۍ د دولتي شرکتونو د څار پلاوي ګمارنې کمېټې ناسته په یاد وزارت کې وشوه.
په دې ناسته کې چې د کمېټې غړو ګډون درلود، له قانون سره سم د اصلاحاتو او ملکي خدمتونو کمېسیون په همکارۍ د ګمارنې کمېټې له لوري د اجرائي پُسټ د رئیس او د دولتي شرکتونو د څار پلاوي د غړي ټاکلو په توګه په شرایطو د برابرو کسانو د ګمارنې پروسې په پړاوونو بحث او د نظرونو تبادله وشوه.
همدا شان د کمېټې غړو؛ د مالیې وزارت د دولتي شرکتونو حقوقي ریاست ته دنده وسپارله څو د اصلاحاتو او ملکي خدمتونو له کمېسیون سره په همکارۍ د ګمارنې کمېټې د دندو لایحې په شمول د کاري کړنلارې په نهایي کولو کار وکړي او لومړنۍ مسوده یې د ګمارنې کمېټې بلې ناستې ته وړاندي کړي.
