د تخار مستوفیت یوتن کارکوونکی د بډې اخیستني په تور نیول سوی
د مالیې وزارت ګمرکونو د ساتني او ځانګړو عملیاتو تنفیذي قطعې امنیتي مسؤلینو د تخار ولایت د مستوفیت یو تن کارکوونکی د بډې اخیستني په تور نیولی.
دغه کارکوونکی په داسي حال کې نیول سوی، چي د تخار مستوفیت له لوري ۴ دکانونه د مالیې نه ورکړي په تور مهرلاک او تړل سوي وو، د نوموړي له خوا د بډې اخیستو په بدل کي پرانیستل سوي وو او د فعالیت اجازه ورکړل سوې وه.
نیول سوی کارکوونکی د لا زیاتو پوښتنو او ګروېږنو په موخه امنیتي ځواکونو نیولی او عدلي او قضایي ارګانونه ته یې سپارلی دئ.
هېره دي نه وي، چې د بډې اخیستنې دغه ډول لومړی ځل دی چي د اسلامي امارت په واکمنۍ کي ترسره کېږي.
