د ادارو بانکي حسابونو ته د پیشکي حوالو د لګښت او لېږد د څرنګوالي او نوي کړنلاري د پلي کولو په موخه غونډه جوړه سوه
د مالیې وزارت د خزاینو لوی ریاست د ادارو بانکي حسابونو ته د پیشکي حوالو د لېږد او لګښت د څرنګوالی د نوي طرزالعمل د پلي کولو په موخه د دغه وزارت په خیبرهال کي غونډه جوړه کړه.
د خزاینو لوی رئیس نصرت الله محمود د دغي غونډي په پرانیستې وینا کي وویل، نوي کړنلاره د ادارو د اسانتيا، له اصل سره سم له ادارو سره د همکارۍ، د غير ضروري لګښتونو د مخنيوي او له شته امکاناتو څخه د اغېزمني استفادې په موخه جوړه سوې ده؛ نو دا په جدي ډول پلي کړئ، ترڅو اقتصادي ځان بسیایني او د نظام په پیاوړتیا کي مرسته وکړئ.
وروسته بیا د محاسباتو رئیس محب الله صاحبزاده او د پیشکي حوالو، محسوبيو او باقیاتو ارشد کارپوه عبدالواحد صالحزاده، یاد کړنلاره تشریح او د ګډونوالو پوښتنو ته ئې ځوابونه ورکړل.
