د مالیې وزارت د پالیسۍ مرستیال د بریتانیا د پراختیایي همکاریو له رئیس سره ولیدل
د مالیې وزارت د پالیسۍ مرستیال نذیر کبیري په مشرۍ جوړه شوې ناسته چې د برېتانیا د پراختیایي همکاریو رئیس انډریو مکوبوري (Andrew McCoburey) او د مالیې وزارت یو شمېر رئیسانو هم حضور درلود، د مالیې په وزارت کې ترسره شوه.
په دې ناسته کې دواړو لوریو د څارنې او همغږۍ ګډ بورډ (JCMB) ناستې ترسره کېدو په چمتووالي، پراختیایي همکاریو او د لوړ پوړي پلاوي (SOM) ناستې لپاره د دې ناستو د تمې پایلو په رامنځته کېدو هر اړخیزې خبرې د نظرونو تبادله وکړه او دواړو خواوو د ستراتېژيکو اړیکو په پراخېدو یې ټینګار وکړ.
همدا شان ښاغلي مکوبوري، د عامه مالي نظام د اصلاحاتو، د مالي ثبات په موخه له فساد سره د مبارزې او د بودیجې، عوایدو او ګمرکونو په برخه کې د پرانیستي دولتدارۍ د معیارونو تحقق او روڼتیا پیاوړي کولو په برخه کې د مالیې وزارت کړنې او اقدامات وستایل.
