د مالیې وزارت سرپرست د مخابراتو او معلوماتي ټکنالوژۍ له وزېرې سره ولیدل
د مالیې وزارت سرپرست محمد خالد پاینده، د مخابراتو او معلوماتي ټکنالوژۍ له وزیرې معصومې خاوري، سره د مالیې په وزارت کې په یو لړ مهمو پروژو خبرې او بحث وکړ.
په دې ناسته کې چې د مخابراتو او معلوماتي ټکنالوژۍ وزارت تخنیکي ټیم هم حضور درلود، دواړو لوریو د ډیجیټل کاسا سترې پروژې د کاري بهیر په چټکېدو، د دې پروژې په وړاندې د خنډونو او ستونزو په حل لارو، د یاد وزارت په تشکیل، د NTA او قراردادي کارکوونکو د معاشونو او نورو اړوندو مسایلو په تړاو بحث او د نظرونو تبادله وکړه.
د مالیې وزارت سرپرست، له دوی سره ژمنه وکړه، چې ذکر شویو موضوعاتو ته به د هېواد نافذه قوانینو او مالي امکاناتو ته په کتو سره رسېدنه کېږي.
د ناستې په پای کې د یادو موضوعاتو په تړاو اړینې پرېکړې وشوې.
