له چاپېریال سره سازګاره اقتصادي وده د هیواد د پایداره پراختیا تضمین کوي
د مالیې وزارت د پالیسۍ مرستیال نذیر کبیري، د نړیوال بانک د معاونینو او د سویلي اسیا هیوادونو د مالیې وزیرانو په ګډون د نړیوال بانک پسرلنیو ناستو په حاشیه کې چې په مجازي ډول (Virtual) ترسره شوه، خبرې وکړې.
د پالیسۍ مرستیال په دې ناسته کې د اقلیم د بدلون اقتصادي او ټولنیزو پایلو، د هوا د ککړتیا په مدیریت او په افغانستان کې له چاپېریال سره سازګارې اقتصادي ودې باندي خبرې وکړې. نوموړي، روښانه کړه چې افغانستان د نړۍ د اقلیم بدلون په کړکېچ کې ونډه نه لري، بلکې د دې ناوړه پدیدې ښکار شوی.
په پای کې د پالیسۍ مرستیال څرګنده کړه، چې له موندنو ښکاري افغانستان یو له هغه هیوادونو دی، چې په نړۍ کې د ګلخانه یي ګازونو تولیدولو تر ټولو ټیټه کچه لري.
په راتلونکي کې به هم دغه هیواد د پاریس د اقلیم بدلون له هوکړې سره سم که چېرته یې د مالي وجوې، وړتیا جوړونې او ټکنالوژۍ په واک کې لرله، له چاپېریال سره سازګاره اقتصادي وده ولري.
