د ګمرکونو لوی ریاست تخنیکي پلاوي د بلخ، آقینې او کندوز ولایت د !ګمرکونو بهرنی ټرانزیټ و ارزاوه!
د زمري ۲۷مه ۱۴۰۴هـ.ل
د مالیې وزارت د ګمرکونو لوی ریاست تخنیکي پلاوي بلخ، آقینې او د کندوز ولایت ګمرکونو ته په خپل رسمي سفر کي د یادو ګمرکونو د بهرني ټرانزیټ (T2) د روان تخنیکي بهیر لیدنه او ارزونه وکړه؛ ترڅو سته ستونزي معلومي او د حل له پاره ئې اقدام وسي.
یاد پلاوي د بهرني ټرانزیټ په برخه کي د مسئولو کارکوونکو ارزونه هم وکړه او دوی ته ئې په یاده برخه کي عملي او نظري روزنه ورکړه.
تللي پلاوي په ورځنيو چارو کي د بلخ، آقینې او کندوز ګمرکونو د مسئولینو ستونزي او وړاندیزونه واورېدل او خپلي سپارښتني ئې هم له دوی سره شریکي کړې.
د یادوني وړ ده، چي د ګمرکونو لوی ریاست له دې وړاندي هم بېلابېلو ګمرکونو ته د ګمرکي طی مراحلو د څارني او ارزوني په موخه تخنیکي پلاوي استولي دي، چي دا لړۍ به په راتلوونکي کي هم دوام ولري.
