د نیمروز مستوفیت او د بلخ ولایت د ګمرک کارکوونکو ته د «مسلکي کولو» روزنیز پروګرامونه پیل سول!

د غویي ۸مه ۱۴۰۴ هـ.ل

د مالیې وزارت  د عوایدو او ګمرکونو ملي اکاډمۍ د کلني تدریسي ‌پلان پر اساس د نیمروز مستوفیت (۳۴) تنو کارکوونکو او د بلخ ولایت د ګمرک (۴۵) تنو کارکوونکو ته د «مسلکي کولو» تر سرلیک لاندي روزنیز پروګرامونه پیل سول.
د نیمروز ولایت مستوفیت کارکوونکو ته به په (۲۲) ورځني روزنیز پروګرام کي د یادي اکاډمۍ د مسلکي ښوونکو له لوري مالیاتي قوانین، مالیاتي طرزالعملونه، مالیاتي فرامین، اظهارلیکونه، مالیاتي محاسبې او مالیاتي سیسټمونه تدریس او تشرېح سي.
بل اړخ ته به د بلخ ولایت ګمرک کارکوونکو ته په یو میاشتني روزنیز پروګرام کي د ګمرک اړوند موضوعات، د کارکوونکو د ظرفیت لوړوني په موخه د ګمرکي قوانینو تشرېح، ګمرکي کړنلاري، ګمرکي بيي ټاکني، تعرفې، د کورني او بهرني ټرانزیټ کړنلارو تشرېح، د(TIR)  نړیوال ټرانسپورټ د کړنلارو تشرېح او د نړیوال خونديتوب پروګرام په برخو کي روزنه ورکړل سي.
د یادوني ده، چي د دغو پروګرامونو په ترسره کولو سره به د اړوندو کارکوونکو مسلکي وړتیاوي لوړي، سته ستونزي به حل او د چارو لا ښه پرمختګ ته به زمینه برابره سي.