!تېره اوونۍ د هیواد په بېلابېلو ولایتونو کي په زیاته اندازه قاچاقي توکي نیول سوي دي!
د کب ۲۰مه ۱۴۰۳هـ.ل
د مالیې وزارت د ګمرکونو لوی ریاست د ګرځنده څارني کارکوونکو تېره اوونۍ د نیمروز، کندهار، فراه، هرات، بلخ او هلمند ولایتونو په بېلابېلو سیمو کي په زیاته اندازه قاچاقي توکي نیولي دي، چي قاچاق کوونکو غوښتل له ګمرکي محصول پرته ئې په قاچاقي ډول افغانستان ته راوړي.
په نیول سویو توکو کي (۴۷۷۴) کیلو ګرامه چاکلېټ، (۱۵،۶) ټنه مالګه، (۱۲۴۸) کیلو ګرامه خام نخود، (۲۱۳۶) کیلو ګرامه انساني او زراعتي درمل، (۱۲۹۴) کیلو ګرامه بيسکوټ، (۲۲۵۰) کیلو ګرامه مالټې، (۱۰۲۰) کیلو ګرامه د لوښو وینځلو مایع، (۷۷۹) کیلو ګرامه بېلابېل ډوله انرژي، (۷۵۶) کیلو ګرامه مکروني، (۲۷۶) لېټره د روح افزا شربت، (۱۹۰) کیلو ګرامه رُب، (۱۱۰) کیلو ګرامه لوبیا، (۱۲۰) کیلو ګرامه شامپو او (۹۶) کیلو ګرامه ملایي شامل دي.
نیول سوي توکي او تورن کسان د نورو اجراآتو له پاره اړوندو ګمرکونو ته سپارل سوي دي.
د یادوني وړ ده، چي د مالیې وزارت د ګرځنده څارني کارکوونکي په ټول هیواد کي ګرځنده څارني کوي او هیچا ته اجازه نه ورکوي، چي ممنوعه او قاچاقي توکي ولېږدوي.
