د مالیې وزارت له لوري د بشردوستانه او پراختیایي فعالیتونو اسانولو په تړاو د ملګرو ملتونو د قطعنامې هر کلی
مالیې وزارت د افغانستان د خلکو اساسي اړتیاوو ته د رسېدو، په افغانستان کي د پراختیایي فعالیتونو د ملاتړ، د نړیوالو مالي بنسټونو او غیر دولتي مؤسسو د فعالیتونو د بیا پیلېدو په موخه د بشردوستانه پروژو د پلي کولو لپاره د ملګرو ملتونو د پرېکړه لیک او د امریکا متحده ایالتونو د خزانه دارۍ وزارت د (۱۸ او ۱۹) جوازونو د تصویب هر کلی کوي.
د مالیې وزارت دغه پرېکړه له خلکو، خصوصي سکټور او د هېواد د بانکدارۍ سکټور په برخه کي یو ستر ګام بولي.
د مالیې وزارت باوري دئ، چي دغه بشردوستانه مرستې کافي نه دي، بلکه د افغانستان د خصوصي سکټور، عامه خدمتونو، کلیو پراختیا او کرنې د ملاتړ لپاره د خلکو د ژوند ښه کولو په موخه نور مالي ملاتړ ته هم اړتیا زیاته ده.
