د کندوز ګمرک ۵۲ تنه کارکوونکي له یو میاشتني روزنیز پروګرام څخه فارغ سول!
د کندز ګمرک (۵۲) تنه کارکوونکو ته د ګمرکي چارو په تړاو جوړ سوی یو میاشتنی روزنیز پروګرام پای ته ورسېد او ګډونوالو ته ئې تصدیق پاڼي ووېشل سوې.
په همدې تړاو جوړه سوې غونډه کي د کندوز ګمرک مسئولینو او کارکوونکو ګډون کړی وو.
مسئولینو له کارکوونکو څخه وغوښتل، چي په یاد روزنیز پروګرام کي له ترلاسه سويو زده کړو څخه په اړوندو کاري برخو کي اعظمي ګټه واخلي، چاري په پوره ریښتینولۍ سره ترسره کړي او په راتلونکي کي هم د ورته پروګرامونو په تعقیبولو سره خپل کاري ظرفیتونه لا لوړ کړي.
د یادوني وړ ده، چي په دغه روزنیز پروګرام کي ګډونوالو ته د ګمرکونو د قانون، ګمرکي پروسیجرونو، ملکي خدماتو قانون او نورو اړوندو تقنیني او ګمرکي سندونو په تړاو روزنه ورکړل سوه.
