د نائب اباد په ګمرک کې د (۳۵) میلیونه افغانیو په ارزښت د سایوان جوړولو پروژه ګټې اخیستنې ته وسپارل شوه
د چنګاښ۳مه ۱۴۰۵هـ.ل
د مالیې وزارت د ګمرکونو لوی ریاست له لوري د بلخ ولایت د څلورم پورټ (نائب اباد) په ګمرک کې د (۳۵) میلیونه افغانیو په ارزښت د سوداګریزو توکو د تخلیې او بارګیرۍ لپاره د سایوان جوړولو پروژې رغنیزې چارې بشپړې او ګټې اخیستنې ته وسپارل شوې.
دغه ستر سایوان په (۸۰۵۰) متره مربع ساحه کې جوړ شوی، چې (۳۵۰) متره اوږدوالی او (۲۳) متره پلنوالی لري، چې ورسره به د سوداګریزو توکو د خوندیتوب په برخه کې سوداګرو او د ګمرک کارکوونکو ته ګڼې اسانتیاوې رامنځته شي.
د یادې پروژې لګښت د مالیې وزارت له پراختیایي بوديجې څخه ورکړل شوی او چارې یې هم د یوه افغاني شرکت له لوري بشپړې شوې.
