د مالیې وزارت سرپرست د عامې روغتیا وزارت له سرپرست سره ولیدل
د مالیې وزارت سرپرست ښاغلي محمد خالد پاینده، د کب میاشتې په ۱۰ مه نېټه د عامې روغتیا وزارت له سرپرست ښاغلي وحیدالله مجروح، سره د عامې روغتیا وزارت په مقر کې ولیدل.
په دې لیدنه کې دواړو لوریو د روغتیا په سکټور کې د اصلاحاتو او ریفورم په پلي کولو، د غوره او دوامداره خدمتونو وړاندي کولو په موخه د دې وزارت عادي بودیجې ته د روغتیایي سکټور پراختیایي پروژو په لېږد او یو شمېر نورو اړوندو مسایلو په تړاو خبرې او د نظر تبادله وکړه.
د لیدنې پرمهال هوکړه وشوه، چې د عامې روغتیا وزارت په تشکیل کې د پراختیایي پروژو ټول کارکوونکي دي د اداري اصلاحاتو او ملکي خدمتونو خپلواک کمېسیون په همکارۍ د ۱۴۰۰ مالي کال غبرګولې میاشتې تر وروستیو پوري جذب کړی شي. همدا شان د ملکي خدمتونو د کارکوونکو د معاشونو په تړاوه هم هر اړخیزې خبرې وشوې او په پرنسیب کې هوکړه پرې وشوه.
