د مالیې وزارت سرپرست د احصائیې او معلوماتو ملي ادارې له رئیس سره ولیدل
د مالیې وزارت سرپرست محمد خالد پاینده، د احصائیې او معلوماتو ملي ادارې له عمومي رئیس احمد جاوید رسولي، سره د مالیې په وزارت کې ولیدل.
په دې لیدنه کې دواړو لویو د تقاعد خزینې نوي سیستم پلي کولو په څرنګوالي، برېښنایي پېژند پاڼو د وېشنې په چټکېدو او د حقونو ترلاسه کولو په موخه د متقاعدینو بایومیټریک، د سیګټاس سیستمونو بدیل د کار پرمختګ (د دولت د مالیاتو جامع او معیاري سیستم) او افمیس (د افغانستان د مالي اطلاعاتو مدیریت سیستم)، د غوره او منظمو مالي اطلاعاتو پرمخ وړلو په موخه د مالیې وزارت او احصائیې او معلوماتو ملي ادارې ترمنځ د لا زیاتو همکاریو او همغږیو په رامنځته کېدو او نورو ورته مسایلو په تړاو بحث او د نظر تبادله وشوه.
