د سپین بولدک په ګمرک کي شپږ ټنه قاچاق کېدونکي المونیمي خښتي نیول سوي
د کندهار ولایت د سپین بولدک ګمرک کارکوونکو ۱۴۹ دانې المونیمي خښتي چي ټول وزن ئې ۶ ټنه کېده او په قاچاقي ډول صادرېدلې، نیولي دي.
دغه المونیمي خښتي د یو بار وړونکي موټر د تېلو په ټانکۍ کي ځای پر ځای سوي وې او غوښتل ئې پاکستان هيواد ته ئې قاچاق کړي.
په دې تور یو کس نیول سوئ او د نورو څېړنو لپاره اړوندو ارګانونو ته ورپېژندل سوی دی. همداشان د یاد ګمرک کارکوونکو په یوې بلې بار وړونکې محموله کي ۱۰ کارتنه د ویلډ سیخان او ۱۲۰ کیلو زیړ تار چي غوښتل ئې له هیواد څخه ئې په قاچاقي ډول ولیږدوي کشف او ونیول.
