تېره اوونۍ د هیواد په بېلابېلو ولایتونو کي زیاته اندازه قاچاقي توکي نیول سوي دي!
د وږي ۱۸مه ۱۴۰۴هـ.ل
د مالیې وزارت د ګمرکونو لوی ریاست د ګرځنده څارني کارکوونکو په تېري یوې اوونۍ کي د هرات، کندهار، نیمروز، فراه او هلمند ولایتونو په بېلابېلو سیمو کي په زیاته اندازه قاچاقي توکي نیولي دي، چي قاچاق کوونکو غوښتل له ګمرکي محصول پرته ئې په قاچاقي ډول افغانستان ته راوړي.
په نیول سویو توکو کي (۳۱۵۰) کیلو ګرامه چاکلېټ، (۳۸۷۵) کیلو ګرامه انساني طبي درمل، (۶۹) کیلو ګرامه زراعتي درمل، (۲۵۹۰) کیلو ګرامه مالګه، (۱۶۶۰) کیلو ګرامه پنیر، (۹۵۰۰) کیلو ګرامه د ویلډینک سیخ، (۱۸۵۰) کیلو ګرامه د خیاطۍ ماشین تېل، (۲۸۸) کیلو ګرامه چلم، (۱۰۰) کیلو ګرامه پلاسټیکي کڅوړي، (۲۴۶۴) کیلو ګرامه رُب، (۱۹۷۳) کیلو ګرامه ملایي، (۳۳۷) کیلو ګرامه د پلاسټیکي بوتلونو پوښ، (۴۹۴) کیلو ګرامه لواشک او (۴۶) عدده غالۍ شاملي دي.
نیول سوي توکي او تورن کسان د نورو اجراآتو له پاره اړوندو ګمرکونو ته سپارل سوي دي.
د یادوني وړ ده، چي د مالیې وزارت د ګرځنده څارني کارکوونکي په ټول هیواد کي ګرځنده څارنه کوي او هیچا ته اجازه نه ورکوي، چي ممنوعه او قاچاقي توکي ولېږدوي.
