یو شمېر ولايتونو مستوفيتونو ته نوي مستوفيان معرفي سول
د افغانستان اسلامي امارت د مالیې وزارت د ځانگړو وړانديزونو او حکمونو پر بنسټ د جوزجان، فاریاب، کاپيسا، سرپل، بغلان، کندوز، تخار او بدخشان، ولایتونو لپاره نوي مستوفيان معرفي سول.
د عوایدو لوی ریاست د رهبرۍ (د عوایدو لوی رئیس شېر محمد مشفق، حمایوي مرستیال حافظ شاه حسین حسیني، د عواید د حقوقي خدمتونو او پالیسۍ رئیس نداء محمد صدیقي) له لوري د یوه رسمي سفر په ترڅ کي په پرلپسې ډول ښاغلی مولوي محمد صادق حکیمي د بغلان ولايت، ښاغلی الحاج مولوي محمد رفيق فاروقي د تخار ولايت، ښاغلی مولوي محمد دين حق نواز د جوزجان ولايت، مولوي عبدالخالق حقاني د کاپيسا ولایت، ښاغلی مولوي همراه قل سبحاني (حمیدالله) د سرپل ولايت، ښاغلی محمد رحیم ندیم د بدخشان ولایت، ښاغلی مولوي احمد گل حامد د فارياب ولايت او ښاغلی ملا عبد الوارث عتیق آخند د کندوز ولايت لپاره د نويو مستوفيانو په توګه د اړوندو ادارو کارکوونکو ته ور وپېژندل سول.
د يادوني وړ ده، چي په مستوفيتونو کي دغه تغييرات او تبديلات د چارو د ښه والي په موخه ترسره کېږي او تر دې وړاندي هم په ځينو ولايتونو کي ورته تغييرات او تبديلات ترسره سوي وه.
