د مالیې وزارت او جهان خصوصي پوهنتون ترمنځ هوکړه لیک لاسلیک سو
د کب۱۷مه ۱۴۰۴هـ.ل
د مالیې وزارت او جهان خصوصي پوهنتون ترمنځ د علمي او تخصصي همکارۍ په موخه هوکړه لیک لاسلیک سو.
دا هوکړه لیک د مالیې وزارت د کارکوونکو چارو رئیس مولوي عبیدالله ابو احمد او د جهان خصوصي پوهنتون د رئیس ډاکټر عبدالحکیم نوري له خوا د هیواد د نافذه قوانینو او مقرراتو په چوکاټ کي د مالیې وزارت د کارکونکو د تخصصي وړتیاوو لوړولو او اکاډمیکي پوهي او عملي اړتیاوو پوره کولو په موخه لاس لیک سو.
د دې هوکړه لیک پر بنسټ به د هغو زده کونکو له پاره، چي د مالیې وزارت له لوري دغه پوهنتون ته د معالجوي طب، حقوقو او سیاسي علومو، کمپیوټر ساینس، شرعیاتو، اقتصاد او معلوماتي ټیکنالوژۍ په برخو کي د لیسانس او ماسټرۍ تر کچي ور معرفي کېږي، ځانګړي تخفیفونه په پام کي ونیول سي.
همدا شان به مالیې وزارت د جهان خصوصي پوهنتون له لوري ور پېژندل سویو محصلینو ته د عملي کارونو په ترسره کولو کي لازمه همکاري وکړي.
