په تېرو دوو اوونیو کي د هیواد په بېلابېلو ولایتونو کي په زیاته اندازه قاچاقي توکي نیول سوي دي
د لېندۍ ۳۰مه ۱۴۰۴هـ.ل
د مالیې وزارت د ګمرکونو لوی ریاست د ګرځنده څارني کارکوونکو په تېرو دوو اوونیو کي د کندهار، نیمروز، فراه، کندوز او هلمند ولایتونو په بېلابېلو سيمو کي په زیاته اندازه قاچاقي توکي نیولي دي، چي قاچاق کوونکو غوښتل له ګمرکي محصول پرته ئې په قاچاقي ډول افغانستان ته راوړي.
په نیول سویو توکو کي (۹۲۲۰) کیلو ګرامه کېلې، (۶۷۳۹۳) کیلو ګرامه لیمو، (۴۵۶۷) کیلو ګرامه انساني طبي درمل، (۱۳۲۵۶) کیلو ګرامه کینو، (۶۴۲۰) کیلو ګرامه چاکلېټ، (۱۵۷۵) کیلو ګرامه رخت باب، (۸۴۷۵) کیلو ګرامه وریجي، (۲۶۵۲۰) کیلو ګرامه ګوړه، (۸۷۱۵) کیلو ګرامه کبان، (۱۵۰۰) کیلو ګرامه اچار، (۳۴۰۰) کیلو ګرامه مالګه، (۶۰۰۰) کیلو ګرامه وچي شیدې، (۵۹۱۹) کیلو ګرامه نوی البسه، (۴۱۰) کیلو ګرامه ملایي، (۱۱۷۰) کیلو ګرامه رُب، (۲۶۹۰) کیلو ګرامه لواشک، (۱۱۳۸) کیلو ګرامه مکروني، (۱۱۵۲) کیلو ګرامه لیلامي البسه، (۱۰۶۸) کیلو ګرامه لیلامي بوټونه، (۴۱۰۵) کیلو ګرامه آرایشي او بنجاره باب، (۴۰۰) کیلو ګرامه کچالو، (۲۷۵۰) کیلو ګرامه کیک، (۴۲۵) کیلو ګرامه د بسته بندۍ او رول پلاسټیک، (۱۴۰) پاکټي کوچ، (۱۱۴) کیلو ګرامه کریم او (۹)سره اسونه شامل دي.
نیول سوي توکي او تورن کسان د نورو اجراآتو له پاره اړوندو ګمرکونو ته سپارل سوي دي.
