د هرات ګمرک لسګونو کارکوونکو ته روزنه ورکول کېږي!
د مالیې وزارت د ګمرکونو او عوايدو ملي اکاډمۍ د روزونکو له لوري د ساحوي روزنیزو پروګرامونو په لړ کي د هرات ګمرک ریاست د تورغونډۍ سرحدی ګمرک (۱۲۰) تنو نویو ګمارل سويو کارکوونکو ته د ګمرکي مسایلو او قوانینو په تړاو روزنیز پروګرام پیل سو.
په دغه روزنیز پروګرام کي به د کارکوونکو د وړتیا لوړوني په موخه په عملي او نظري ډول د ګمرکونو قانون، ګمرکي کړنلارو، ګمرکي بيي ټاکني، تعرفې او ګمرکي اظهارلیکونو د ډکولو او د اسیکوډا سیسټم په اړه ګډونوالو ته روزنه ورکړل سي.
یاد روزنیز پروګرام به (۱۵) ورځي دوام ولري او په څو بېلابېلو ټولګیو کي به د یاد ګمرک د کارکوونکو وړتیاوي لوړي کړای سي او ورسره به په اړوندو برخو کي لازمي اسانتیاوي هم ورته برابري سي.
