د هیواد په بېلابېلو ولایتونو کي په زیاته کچه قاچاقي توکي نیول سوي دي!
د مالیې وزارت د ګرځنده څارني کارکوونکو د فعالو هڅو په پایله کي تېره اوونۍ د نیمروز، فراه، کندهار، هرات او ننګرهار ولایتونو په بېلابېلو سیمو کي په زیاته کچه قاچاقي توکي نیولي دي، چي قاچاق کوونکو غوښتل په پټه ئې افغانستان ته راوړي.
په نیول سویو توکو کي (۱۲۴۲۵) کیلو ګرامه مالګه، (۷۵۶۸) کیلو ګرامه رُب، (۲۵۱۰) کیلو ګرامه خوراکي غوړي، (۱۱۲۸) کیلو ګرامه چاکلېټ، (۶۲۵) کیلو ګرامه انساني او حیواني درمل، (۶۲۰) لېټره زراعتي درمل، (۵۷۰) کیلو ګرامه ککاو، (۱۶۵) کارټنه تاریخ تېر جوسونه، (۳۶۰) کیلو ګرامه لوبیا، (۳۷۲) کیلو ګرامه شامپو او (۵۰۴) کیلو ګرامه مۍ (ماش) شامل دي.
نیول سوي توکي او تورن کسان د نورو اجراآتو په موخه اړوندو ګمرکونو ته سپارل سوي دي.
د مالیې وزارت د ګمرکونو لوی ریاست د ګرځنده څارني کارکوونکي په ټول هیواد کي دوامداره فعالیت کوي او هیچا ته اجازه نه ور کوي، چي ممنوعه او قاچاقي توکي ولېږدوي.
