د فراه، کندهار، پکتیکا او هرات په ولایتونو کي یو شمېر قاچاقي توکي نیول سوي دي!
د مالیې وزارت د ګمرکونو لوی ریاست د ګرځنده څارني ځیرکو کارکوونکو تېره اوونۍ د فراه، کندهار، پکتیکا او هرات ولایتونو په بېلابېلو سیمو کي یو شمېر قاچاقي توکي کشف او نیولي دي.
په نیول سوو توکو کي (۶۵۷۶) کیلو ګرامه رُب، (۲۶۵۰) کیلو ګرامه لوبیا، (۲۳۰۰) کیلو ګرامه چاکلېټ، شپږ عرادې موټرسایکلونه، (۳۹۰) کیلو ګرامه لواشک، (۷۳۳) کیلو ګرامه شامپو، (۱۲۰) کیلو ګرامه انساني طبي درمل، (۱۹۴) کیلو ګرامه مکروني، (۳۸۰) کارټنه بيسکوټ او (۳۰) کارټنه کیچپ شامل دي، چي قاچاق کوونکو غوښتل په پټه ئې هیواد ته راوړي.
په دې تړاو نیول سوي تورن کسان د نورو اجراآتو په موخه اړوندو ارګانونو ته سپارل سوي دي.
د یادوني وړ ده، چي د مالیې وزارت د ګرځنده څارني ویښ کارکوونکي په ټول هیواد کي د قاچاقي او ممنوعه توکو له وړلو او را وړلو څخه په کلکه مخنیوی کوي.
