د مالياتي محاسبينو د اتمي دورې د ازمويني لپاره د نومليکني خبرتیا!

د عوایدو لوی ریاست اړوند د حقوقي خدمتونو او پالیسۍ ریاست په پلان کي لري، چي د اتمي دورې د مالیاتي محاسبینو ازمویني لپاره له (08/11/1402 تر 08/12/1402) نېټې پوري نوم لیکنه ترسره کړي. له همدې کبله په لاندنيو شرایطو برابر کسان کولای سي؛ چي په ټاکلې موده کي په برېښنايي (انلاین) ډول نوم لیکنه وکړي:
• په اقتصاد، محاسبه ( ACCA، CPA)، عامه اداره او پالیسي، حقوق، اداره او تجارت کي د اسنادو په کتو حد اقل د لسانس تر کچي د لوړو زدکړو درلودونکي وي.
•  د امارت رسمي او برحال اداري کارکوونکی نه وي.
• د محکمې له خوا د مجرم په توګه نه وي پېژندل سوی.
• شخص به بل شخصي شرکت نه لري؛ ترڅو د منافعو د تضاد مخنیوي سوی وي.
• که چیري شخص د مالیې وزارت په مربوطاتو کي دنده ترسره کړې وي، حد اقل ئې درې کاله له انفصال او انفکاک څخه تېر سوي وي.
یادونه: مالیاتي محاسبین د امارت رسمي کارکوونکي نه دي او نه هم د امارت له خوا معاش ورکول کېږي؛ بلکي دوی د عوایدو لوی ریاست له لوري په ازموینه کي تر بریالي کېدو ورسته د (12000) افغانیو فیس په ورکړي سره د درو کلو لپاره کاري جواز ترلاسه کوي او د جواز په واسطه د شرکتونو او کمپنیو سره قرارداد کوي، دوی د شرکتونو او کمپنیو مالیاتي چاري مخ ته وړي؛ چي شرکتونه او کمپنۍ د کار په مقابل کي دوی ته حق الزحمه او یا هم ټاکلی فیس ورکوي.
پر شرایطو برابر کسان کولای سي د لاندي لینک له لاري په برېښنايي يا انلاين ډول نومليکنه وکړي.
https://docs.google.com/forms/d/1Iu2M27en0dESMJuJH4a4nDhB2-q5caTG5IXkkQMxLaw/edit