د عوایدو لوی ریاست رهبرۍ پلاوي د هرات او تخار ولایت له مستوفیتونو څخه لیدنه وکړه!
د عوایدو لوی رئیس الحاج شېر محمد مشفق د عوایدو د حقوقي خدمتونو او پالیسۍ رئیس مولوي نداء محمد صدیقي او ورسره مل پلاوي د مستوفیتونو د ارزوني او څارني په لړ کي د هرات ولایت مستوفیت څخه لیدنه وکړه. په دغه لیدنه کي، چي د هرات ولایت مستوفي مفتي کفایت الله (حقاني) هم حضور درلود، د عوایدو لوی رئیس الحاج شېر محمد مشفق په خپلو خبرو کي د هرات ولایت د رهبرۍ او کارکوونکو د فعالیتونو قدردانی وکړ او زیاته ئې کړه، دا ستاسو هڅي دي، چي لله الحمد دوه کاله کېږي موږ د خپلي داخلي بودیجې څخه استفاده کوو او ولس ستاسو د دې هڅو قدردانی کوي.
همدا شان بیا د عوایدو لوی ریاست حمایوي مرستیال ښاغلي حافظ شاه حسین حسیني د تخار ولایت له مستوفیت څخه لیدنه وکړه او په دغه لیدنه کي ئې د تخار ولایت مستوفي او کارکوونکو د فعالیتونو د قدرداني تر څنګ د دوی د فعالیتونو ارزونه هم ترسره کړه .
د یادوني وړده، چي د عوایدو لوی ریاست د رئيس په مشرۍ او یو شمېر رئیسانو په ګډون یو درې کسیز پلاوی ټاکل سوی؛ تر څو د هیواد د ولایتونو د مستوفیتونو فعالیتونه او پرمختګونه و ارزوي او د کارکوونکو ستونزي او وړاندیزونه له نږدې واوري.
.
