د کورنۍ پلټني لوی رئیس هرات ولایت ته سفر وکړ
د ولایتي سفرونو په لړ کي، د مالیې وزارت د کورنۍ پلټني لوی رئیس ښاغلي انجنیر عبداللطیف خالد په مشرۍ یو پلاوي د چارو د ارزوني او د تیرو پلټنو د سپارښتنو تطبیق د تعقیب په موخه د هرات ولایت ګمرک او د دې ولایت اړوند د تورغوڼدۍ او اسلام قلعه ګمرکونو او د دغو ادارو له اړونده دفترونو څخه لیدنه وکړه.
ښاغلي انجنیر عبداللطیف خالد د یادو ادارو له مسؤلینو سره د پلټني د سپارښتنو د تطبیق په اړه خبري وکړې او ټینګار یې وکړ، چي سپارښتني باید له ځنډ پرته عملي او د کورنۍ پلټني لوی ریاست ته اطمینان ورکړل سي.
همدارنګه د کورنۍ پلټنې لوی رئیس په جلا لیدنو کي د هرات ولایت د نفت او ګازو او نورم او سټنډرډ عمومي مدیریتونو له مسئولینو سره وکتل او په اړونده چارو کي یې پر لا ښې همغږۍ تاکید وکړ. د کورنۍ پلټني لوی رئیس ژمنه وکړه، چي کابل ته له ستنېدو سره سم به د دغو ادارو ستونزي او لازمي غوښتني له اړونده چارواکو سره شریکي کړي ترڅو ورته د حل لار وموندل سي.
