د مالیې وزارت سرپرست په پارلماني چارو کې د دولت له وزیر سره وکتل
د مالیې وزارت سرپرست محمد خالد پاینده، نن په خپل کاري دفتر کې په پارلماني چارو کې د دولت له وزیر ګل بادشاه مجیدي سره وکتل.
په دې کتنه کې دواړو لوریو په بېلابېلو موضوعاتو، لکه د ملي شورا له لوري د ۱۴۰۰ مالي کال د منځنۍ برخې بودیجې د پړاوونو ترسره کولو په تړاو خبرې او د نظرونو تبادله وکړه. په پارلماني چارو کې د دولت وزیر ژمنه وکړه، چې په دې حساس وضعیت او هېواد ته ور پېښ امنیتي ګواښ کې به د ارتباطي بنسټ په توګه هڅه وکړي څو د افغانستان پارلمان دې ته وهڅوي، چې څومره ژر کېدای شي د روان مالي کال د منځنۍ برخې بودیجه په خپل لومړیتوب کې ونیسي او ژر تر ژره یې تصویب کړي، ترڅو د مالي چارو اجراآ کولو په مخ کې هیڅ راز ستونزه پېښه نه شي.