د هیواد مهمو ټرانزیټي بندرونو کې د اطفائیې مدیریت جوړولو د بشپړې ارزونې په موخه د همغږۍ ناسته
د مالیې وزارت اداري مرستیال ښاغلي عالم شاه ابراهیمي، په مشرۍ د هیواد مهمو ټرانزیټي بندرونو کې د اطفائیې مدیریت جوړولو د بشپړې ارزونې او د ګمرکونو د پراختیایي پروژو پلي کولو بهیر چټکېدو په موخه د همغږۍ ناسته.
په دې ناسته کې چې د ملي پراختیا ادارې، اوبو رسونې او کانالیزاسیون، د پېښو او اطفائیې عملیاتي ریاست، ملي بودیجې او نورو اړوندو ادارو استازو ګډون کړی وو، د هیواد مهمو ټرانزیټي بندرونو کې د اطفائیې مدیریت جوړولو په څرنګوالې، د اور سوځېدنې په وړاندي د بندرونو د زیانونو په تړاو د هر راز ارزونو ترسره کولو، د وقایوي تدابیرو نیولو، د بیا ځلې اور لګېدنې مخنیوي په موخه د ښې همغږۍ په رامنځته کېدو، د ګمرکونو د پراختیایي پروژو بهیر په چټکېدو، سړو خونو جوړولو، پارکینګ، د اداري ودانیو جوړولو او رغولو، هنګرونو جوړولو او یو شمېر ورته مسایلو په تړاو خبرې او د نظرونو تبادله وشوه او مسؤلینو ته له دې ډول ستونزو د وتلو او په ټاکلي وخت او موقع سره د اجراآتو په تر سره کولو لارښوونه وشوه.
