د ګمرکونو لوی رئیس د اقینې ګمرک له چارو څخه لیدنه وکړه!
د ګمرکونو لوی رئیس الحاج مفتي عبدالمتین سعید، چي د تخنیکي پلاوي په مشرۍ فاریاب ولایت ته په رسمي سفر تللی، د اقینې ګمرک له چارو څخه د ارزوني تر څنګ ئې د یاد ولایت له یو شمېر سوداګرو سره هم وکتل.
د ګمرکونو لوی رئیس د فاریاب ولایت له یو شمېر سوداګرو سره په لیدنه کي په ګمرکي چارو کي د دوی ستونزي واورېدې، چي د نوموړي له لوري د ژر حل کېدو ډاډ ورکړل سو.
د فاریاب ولایت سوداګرو غوښتنه وکړه، چي د سوداګریزو توکو د چټک طی مراحلو لپاره دي د اقینې ګمرک کاري وخت زیات کړل سي. د ګمرکونو لوی رئیس دوی ته ډاډ ورکړ، چي ژر به شته امکاناتو ته په کتو سره د یاد ګمرک کاري وخت زیات کړي.
