د ګمرکونو او عوایدو معین د العزم قول اُردو له قومندان سره وکتل
د سلواغې ۲۸مه ۱۴۰۴هـ.ل
د مالیې وزارت د ګمرکونو او عوایدو معین الحاج مفتي عبدالمتین سعید، چي په رسمي سفر کندهار ولایت ته تللی، هلته ئې د فرعي ګمرکونو د مسئولینو په شتون کي د العزم قول اُردو له قومندان قاري محمد ایوب خالد سره وکتل.
په دې کتنه کي دواړو لوریو د هیواد په پولو کي د قاچاقي توکو پر مخنیوي او په دې برخه کي د همغږۍ په لا زیاتولو هر اړخیز بحث او خبري وکړې. د لیدني په پای کي د العزم قول اُردو قومندان د قاچاقي توکو د مخنیوي په برخه کي د هر ډول همکارۍ او پوره همغږۍ ډاډ ورکړ.
د یادوني وړ ده، چي اوس مهال د هیواد په ټولو ګمرکونو او لویو لارو کي وارداتي او صادراتي توکي په کلکه څارل کېږي او هیچاته اجازه نه ورکول کېږي، چي قاچاقي او ممنوعه توکي ولېږدوي.
