د ګمرکونو او عوایدو معین د میدان وردګو مستوفیت له چارو څخه لیدنه وکړه!
د مالیې وزارت د ګمرکونو او عوایدو معین الحاج مفتي عبدالمتين سعيد د خپلو رسمي ولایتي سفرونو په لړ کي دا ځل د میدان وردګو ولایت ته سفر وکړ او هلته ئې د یاد ولایت د مستوفیت له چارو څخه له نږدې لیدنه وکړه.
د ګمرکونو او عوایدو معین په دې لیدنه کي د یاد ولایت د مستوفیت مسؤلینو ته سپارښتنه وکړه، چي اړوندي چاري په پوره صداقت ترسره کړي، د مراجعینو ستونزو ته پر ټاکلي وخت د رسېدني ترڅنګ له هغوی سره غوره چلند وکړي. نوموړي همدا راز د یو شمېر نورو موضوعاتو په تړاو لازم هدایات ورکړل.
د یادوني وړ ده، چي د ګمرکونو او عوایدو معین بېلابېلو ولایتونو ته سفرونه کوي، څو له نږدې څخه د یاد معینیت د اړوندو ادارو د چارو څخه د لیدني تر څنګ د هیوادوالو ستونزي له نږدې واوري او پر خپل وخت ورته رسېدنه وکړي.
