تېره اوونۍ د هیواد په بېلابېلو ولایتونو کي په زیاته کچه قاچاقي توکي نیول سوي دي!

د مالیې وزارت د ګمرکونو لوی ریاست د ګرځنده څارني کارکوونکو تېره اوونۍ د نیمروز، کندهار، فراه، ننګرهار او هلمند ولایتونو په بېلابېلو سیمو کي (۴۱) زره (۹۶۲) کیلو ګرامه قاچاقي توکي نیولي دي، چي قاچاق کوونکو غوښتل له ګمرکي محصول پرته ئې په پټه افغانستان ته راوړي.
په نیول سویو توکو کي (۱۵۸۰۴) کیلو ګرامه چاکلېټ، (۸۴۴۰) کیلو ګرامه ګوړه، (۴۹۷۲) کیلو ګرامه مالټې، (۵۲۷۸) کیلو ګرامه انساني، زراعتي او حیواني درمل، (۳۰۰۵) کیلو ګرامه پمپر، (۲۹۷۳) کیلو ګرامه البسه، (۱۴۴۰) کیلو ګرامه مالګه او (۵۰) کیلو ګرامه پلاستیکي کڅوړي شاملي دي.
نیول سوي توکي او تورن کسان د نورو اجراآتو له پاره اړوندو ګمرکونو ته سپارل سوي دي.
د یادوني وړ ده، چي د مالیې وزارت د ګرځنده څارني کارکوونکي په ټول هیواد کي ګرځنده څارني کوي او هیچا ته اجازه نه ورکوي، چي ممنوعه او قاچاقي توکي ولېږدوي.